|
|
Во вторник, на 26 август 2008 година, во Културниот
центар Точка со почеток во 20 часот, здружението на граѓани
Контрапункт организира во дебата со клучно дебатно прашање: „Дали
правото на склучување брак на лица од ист пол е битно за еднакво
уживање на човековите права?“
Пошироката рамка на оваа дебата има за цел освен да одговори на ова
прашање, воедно да отвори и некои дебатни аспекти кои се однесуваат на
човековите права на лицата со поинаква сексуална ориентација од
хетеросексуалната ориентација.
Учесници на дебатата се: Мирјана Најчевска, Кочо Андоновски, Славчо
Димитровф, Жарко Трјаноски. Дебатата ќе ја модерира Ана Блажева.
Оваа дебата е дел од Школата за критичко мислење и дебатирање на теми
поврзани со човекови права, која Контрапункт ја организираше во
изминатите десет месеци. Сметаме дека во Македонија изостанува дебатна
и полемичка култура и дека е неопходен развој и стекнување практични
знаења за истата. Воедно, сметаме дека е нужно критичко промислување
на сите општествени сегменти и нивно итно и конструктивно артикулирање
во јавна дебата која ќе се одвива според сите демократски начела.
Школата за критичко мислење и дебатирање е поддржана од Комисијата на
Европската заедница – Скопје. |
